Taong panuruan 2023 – 2024 sa TVNHS, opisyal ng binuksan

Ngayong araw ng Martes, ika-29 ng Agosto taong kasalukuyan ay opisyal ng binuksan ang taong panuruan dito sa Mataas na Paaralan ng Tropical Village na pinamumunuan ni Dr. Mark Airon P. Creus, Principal IV.

Sinimulan ang pagbubukas ng klase sa Flag Ceremony na pinangunahan ng pagtugtog ng TVNHS Drum and Lyre ng Pambansang Awit. Ito ay dinaluhan ng lahat ng mag-aaral mula sa baiting 7 hanggang 10. Nagbigay rin ng isang mahalagang mensahe si Dr. Creus para sa mga Tropicalians.

Hinamon niya ang mga mag-aaral na ipakita ang tunay na Tatak Tropicalian…Yong totoong may Talino, Tikas, at Tapang sa lahat ng bagay.

Nagsagawa rin ng kanya- kanyang orientasyon ang mga guro sa kanilang mga klase para ipaliwanag ang mga alituntunin ng paaralan at magkakakilanlan ang mga magkaklase at kanilang guro.

Sa kabuuan, ay naging matagumpay ang pagbubukas ng klase dito sa paaralan ng Tropical Village.