TVNHS Intramurals 2023, Opisyal ng Binuksan

Opisyal na ngang binuksan ang Intramurals 2023 dito sa Mataas na Paaralan ng Tropical Village ngayong araw ng Lunes, ika-13 ng Nobyembre taong kasalukuyan na may temang, “ Building Camaraderie and Teamwork through Sports”.

Sinimulan ang programa sa isang parada na pinangunahan ng TVNHS Drum and Lyre, na sinundan ng mga Muse at Escort, Curriculum Chairperson, mga guro, mga manlalaro mula baitang 7 hanggang 10, Head Teachers at ng Punongguro IV na si Dr. Mark Airon P. Creus.

Nagpaligsahan naman ang mga piling mag-aaral sa pagye-yell mula Baitang 7 hanggang 10.

Samantala, nagpakitang gilas naman ang mga muse at escort mula sa ibat’ ibang baitang sa pagrampa suot ang kanilang napiling sports wear at pagsagot ng mga tanong.

Samantala, dinaluhan ang aktibidad na ito nina Dr. Rogin O. Contemprato, PSDS Cluster 8, Cromwell P. Garcia, Volleyball Coach, LPU Cavite & Manila MPVL/ Rizal Volleyball Coach at Kenneth E. Llover, WBC Asian Boxing Council Continental Bantamweight Champion.

Sa kabuuan, ay naging matagumpay ang pagbubukas ng Intrams dito sa TVNHS sa pangunguna ng MAPEH Department na pinamumunuan ni G. Reynaldo Colima, OIC Department Head ng MAPEH.